色彩繽紛的衣物可吸引別人目光，同時可顯得較精神，但如果襯衫失手，一樣會變得「肥醜難分」、型格欠奉，現在就看看眾藝人是否得出「色」！
容祖兒 7分
「整體感覺係靚，因為佢件衫鬆鬆咁都睇到個款，紅色又係好Match佢膚色，不過如果長少少同修腳Boot會靚好多，又或者長襪加High-heel都靚。」
陳奕迅 6.5分
「粉紅色其實好靚，今年都興粉色系列，Eason都Carry到，不過我唔鍾意波點，太Typical太Icon，佢可以鮮色淨色衫，佢份人咁搞鬼，絕對襯得起！」
關心妍 7分
「佢個黃色好突出，但太齋，佢條頸鏈個色同條裙唔Match，應該加條閃頸鏈，仲有對手都可以加多樣配飾。」
泳兒 7分
「成件事都靚，個Look都OK襯佢，不過對鞋個螢光黃就有少少夾硬，知佢係想搶Focus，但唔太自然，如果件衫都有螢光色就會襯好多、自然好多。」
林 6.5分
「佢件衫擺明係太細件！完全唔身！仲有今年興Slim Fit，佢可以條窄身褲。」
熊黛林 7.5分
「紅色都襯佢，不過佢咁白，咁化妝個樣就麻麻，個小手袋都靚，手部可以加多樣Accessories例如小手鐲或鑽石錶會好，仲有咁唔應該襯平底鞋，高鞋會靚哂！」
賈曉晨 5.5分
「嘩！好肥，未見過有人咁襯，短褲又加Leggings，個橙色太似Skin Tone，顯得佢好肥好核突，如果本身唔係咁Slim，應該襯番深色，同埋佢應該裙，會好睇好多，依家完全錯哂！」
謝安琪 6.5分
「今次都得算係咁，不過唔鍾意佢個紅黑格仔，太Out太保守，我覺得紫色軍綠都襯佢，因為佢畀人好Tough感覺。」
周柏豪 7.5分
「雖然見到佢件衫同對鞋係有襯過，係有心思，不過柏豪可以Carry到誇張顏色，佢依家紅襯藍就太普通喇！個藍色又唔Fashion，佢可以試下用呢個紅色襯個比較Shocking顏色，效果會好好多！」
陳刀 Profile
於理工大學修讀時裝設計，及後於城市大學進修日本研究，曾被《i:D》雜誌選為全球最矚目時裝新人之一，現開設時裝店及為李卓庭擔任形象指導。
