將在馬來西亞舉行個唱的泳兒表示，現時心情緊張，更因此而失眠，她說：「最近忙住練歌、排舞，到時當地朋友會來捧場，包括教我唱歌老師，同初戀情人！（會唔會性感演出？）唔會刻意囉！絕對唔會行性感。」
洪卓立（Ken）及泳兒昨日出席公開活動，泳兒透露被失眠困擾：「最近籌備緊6月雲頂演唱會，好大壓力，忙住排舞練歌，關智斌同Ken會做嘉賓，而且我當地朋友、唱歌老師同初戀情人都會睇，好緊張！」至於最近有傳將轉行性感的泳兒，透露個唱不會刻意性感：「未試衫，都係想人注意我音樂方面，上次表演都係配合首歌，之後公司都有擔心。」
此外，正忙於拍攝《四葉草》的Ken，透露昨晨險些墮馬：「現場有11隻馬，可能好熱，馬好躁，有個女仔被拋落馬，好彩Pat Pat落地，自己就用力捉住條繩！」他踢爆師弟陳家樂差點嚇到喊：「葉翠翠都有問我有冇唔敢再騎，我諗要平靜一輪，暫時打機都唔打有關馬遊戲。」
泳兒為演唱壓力失眠
泳兒透露師弟洪卓立會擔任雲頂演唱會的嘉賓。
